Cumraíocht
Is féidir na socruithe thíos a chumrú le bheith in oiriúint do do chuid riachtanais féin. Is féidir leat an logálaí iarratais a chumrú i gcód (ASP.NET Core amháin) nó i gcomhad cumraíochta d’fheidhmchláir. Féach an doiciméadacht a bhaineann le ASP.NET Framework agus le ASP.NET Core chun teacht ar eolas ar chur i bhfeidhm an logálaí i do sprioc-chreatlach.
Barrleibhéal
ApplicationName (string): Sonraíonn sé ainm uilíoch ar d’fheidhmchlár a d’fhéadfaí a úsáid i ngach iarratas a logáiltear. Ciallaíonn sé seo gur féidir le feidhmchláir dhifriúla an bunachar sonraí céanna SQL a roinnt maidir le logáil iarratais.
MaxQueryTermsLength (int?): Má tá sé socraithe, theascfaí téarmaí iarratais atá níos faide ná an t—uasfhad sonraithe.
MaxQueryTextLength (int?): Má tá sé socraithe, theascfaí téacs iarratais atá níos faide ná an t—uasfhad sonraithe.
IsEnabled (bool, réamhshocrú: true): Sonraíonn sé ar cumraíodh an feidhmchlár chun iarratais a logáil nó nár cumraíodh. Seans go mbeidh sé úsáideach más gá duit logáil a dhíchumasú go sealadach ar chúis éigin nó más mian leat logáil a chumasú nó a dhíchumasú bunaithe ar athróga timpeallachta.
StoreClientIPAddress (bool, réamhshocrú: true): Sonraíonn sé ar cheart seoladh IP an chliaint a logáil nó nár cheart. Seans go mbeidh cuid den seoladh IP logáilte anaithnidithe, nó seans nach mbeidh sé, de réir an tsocraithe AnonymizeIPAddress a roghnaíodh.
AnonymizeIPAddress (IPAddressAnonymizationLevel enum, réamhshocrú: IPAddressAnonymizationLevel.Partial): Socraíonn sé leibhéal anaithnidithe sheoladh IP an chliaint. Is iad None (níor cuireadh anaithnidiú i bhfeidhm) nó Partial (baintear an t-ochtréad deireanach de sheoltaí IPv4 nó an 80 giotán deireanach de sheoladh IPv6) na luachanna féideartha. Thángamar ar an tuairim nach féidir anaithnidiú ‘iomlán’ — trí haiseáil nó ar bhealach ar bith eile — a chinntiú agus molaimid an socrú StoreClientIPAddress a athrú go false le cinntiú nach logálfar sonraí IP ar bith.
AlertInterval (integer, réamhshocrú: 300000): An t-eatramh ama (i milleasoicindí) a fhanfaidh an logálaí iarratais sula seolfar foláirimh maidir le ceist faoin tseirbhís logálaí. Seolfar foláirimh má sháraíonn an ciú logálaí an uasacmhainn nó má tá ceist ann i dtaca le scríobh chuig an stóras sonraí — tá súil againn nach dtarlóidh sé sin ach nílimid ag iarraidh do bhosca isteach a bhriseadh má tharlaíonn sé.
Stóras
ConnectionString (string): An teaghrán ceangail do do stóras sonraí de chuid SQL Server.
ConnectionStringName (string, ASP.NET Framework only): Ainm an teaghráin ceangail a úsáidtear ó chumraíocht an fheidhmchláir, e.g. an eochair a bhaineann le hiontráil ar leith sa chuid ConnectionStrings den chomhad Web.config de chuid feidhmchláir.
MaxQueueSize (integer, réamhshocrú: 1000): Uasmhéid fhéideartha chiú an logálaí iarratais. Nuair a bhaintear uasmhéid an chiú amach, cuileálfar iontrálacha sa chiú ar bhonn 'is túisce isteach is túisce amach'. Ba cheart duit méid an chiú a shocrú i bhfianaise na n-acmhainní atá ar fáil ar do chóras. Ach logaí a stóráil i gciú sula maireann sonraí, laghdaítear an seans go gcaillfidh tú sonraí mar gheall ar cheist seachadta faoi IOPS an bhunachair sonraí, mar shampla.
MaxQueueRetryInterval (integer, réamhshocrú: 300000): An méid ama (i milleasoicindí) is gá duit fanacht idir iarrachtaí ar scríobh chuig an stóras logálaí sa chás nach féidir ceangal leis an stóras a chruthú. D’fhéadfadh suas le MaxQueueSize iarratas a bheith i gciú an logálaí atá le scríobh.
TableName (string, réamhshocrú: QueryLogs): Ainm an tábla (lena n-áirítear scéimre, más mian leat), e.g. 'dbo.QueryLogs' a úsáidtear nuair atá iarratais á logáil. Cumraigh é seo más mian leat ainm níos andúchasaí a thabhairt ar do thábla logálaí seachas 'QueryLogs'.
Ríomhphost
Úsáidfear na socruithe seo, má cumraíodh iad, chun ríomhphoist foláirimh a sheoladh chugat nuair is gá. Maidir le feidhmchláir ASP.NET Framework, gheofar socruithe ríomhphoist go huathoibríoch ó do chumraíocht mailSettings, má tá siad ann, ach ní mór duit ToAddress a shonrú anseo fós.
ToAddress (string): An seoladh a seolfar teachtaireachtaí ríomhphoist chuige (ag teastáil le haghaidh seirbhís foláireamh).
FromAddress (string): An seoladh óna seolfar teachtaireachtaí ríomhphoist.
FromDisplayName (string): An t-ainm taispeána lena seolfar teachtaireachtaí ríomhphoist.
SMTPHost (string): An freastalaí SMTP trína seolfar ríomhphost.
SMTPPort (int?): An port trína seolfar ríomhphost (má shonraítear freastalaí SMTP trí SMTPHost thuas.)
SMTPUserName (string): Ainm úsáideora an SMTP a úsáidfear, má tá fíordheimhniú á dhéanamh agat.
SMTPPassword (string): Pasfhocal an SMTP a úsáidfear, má tá fíordheimhniú á dhéanamh agat.
SMTPEnableSSL (bool, réamhshocrú: false): SSL a úsáid agus rud á sheoladh trí SMTP agat, nó gan é a úsáid.
ExcludedIPAddresses
Ní logálfar iarratais a bhaineann leis na seoltaí IP sa liosta seo. Tá sé úsáideach, mar shampla, le cinntiú nach logálfar iarratais ó ransaitheoir ionsaitheach gréasáin.
IPAddress (string): An seoladh IP a fhágfar ar lár (caithfidh luach uathúil a bheith air).
Name (string): Cuireann sé lipéad ar an seoladh IP a fhágfar ar lár. Is é an seoladh IP an eochair iontrála agus mar sin de, is féidir leat an t-ainm céanna a shocrú le haghaidh iontrálacha éagsúla más mian leat go leor foinsí IP a chur i ngrúpa le chéile.