Foclóir sonraí (Leagan 1.1)

Déantar cur síos sa doiciméad seo ar struchtúr sonraí na dtorthaí a chuirtear ar fáil trí Chomhéadan Feidhmchláir (API) Logainm. Áis chuimsitheach bhainistíochta í seo chun sonraí logainmneacha agus taifid chartlainne, mar aon le taighde logainmneacha Rialtas na hÉireann, a riar. Téigh i gcomhairle le doiciméid an fhorbróra chun eolas ginearálta ar API agus treoirlínte an fhorbróra a fháil.

placeList

Gheofar oibiacht placeList ón gcuid is mó d'iarratais API. Tá liosta ina bhfuil áit amháin nó níos mó, má aimsítear iad, agus meiteashonraí breise a bhaineann leis an iarratas san oibiacht seo.

Ainm an airí	Cineál	Bunuimhreacht	Cur síos
TotalCount	slánuimhir	ceann amháin	Líon iomlán na dtaifead áite a aisghabhadh.
TotalPages	slánuimhir	ceann amháin	Líon iomlán na leathanach sa tacar torthaí.
CurrentPage	slánuimhir	ceann amháin	An uimhir leathanaigh reatha.
CountPerPage	slánuimhir	ceann amháin	An t-uaslíon torthaí a thugtar in aghaidh an leathanaigh.
Results	place	ceann ar bith nó ceann amháin nó go leor	Na taifid áite a aisghabhadh.
SimilarNames	teaghrán	ceann ar bith nó ceann amháin nó go leor	Tacar ainmneacha a bhfuil an litriú atá orthu cosúil le téacs an iarratais (más cuardach téacs atá i gceist). Mar shampla, má chuardaíonn tú 'Ballybunion', molfar 'Ballybunnion.'
RelatedNames	teaghrán	ceann ar bith nó ceann amháin nó go leor	Tacar ainmneacha atá bainteach le téacs an iarratais. Mar shampla, má chuardaíonn tú 'Lismore', molfar 'Lismore and Mocollop', 'Lismore Demesne' agus 'Lismore Road' i liosta na logainmneacha gaolmhara.

place

Tá an oibiacht place i gcroílár API Logainm. Léiríonn sí suíomh geografach agus áirítear léi meiteashonraí logainmníochta, léacsacha agus eile. Ach iarratas a dhéanamh ina sonraítear aitheantóir áite sa chosán iarratais, gheofar oibiacht place amháin (má tá ceann ann) agus d'fhéadfadh iarratais níos leithne oibiacht place amháin nó níos mó a thabhairt sa chorp freagartha.

Ainm an airí	Cineál	Bunuimhreacht	Cur síos
ID	slánuimhir	ceann amháin	Aitheantóir uathúil áite.
ReplacementID	slánuimhir	ceann ar bith nó ceann amháin	Má tá an luach seo socraithe, cumascadh an taifead áite a iarradh le taifead eile sa bhunachar sonraí. Is é an luach an t-aitheantóir ionaid taifid.
DateCreated	am-dháta ISO 8601	ceann amháin	An dáta agus an t-am a cruthaíodh an iontráil.
DateModified	am-dháta ISO 8601	ceann ar bith nó ceann amháin	Dáta agus am an mhionathraithe is déanaí a rinneadh ar an iontráil.
Permalink	teaghrán	ceann amháin	Hipearnasc statach buan ina bhféadfadh léitheoir daonna tuilleadh eolais a fháil ar an áit. Téann sé seo go dtí an leagan Gaeilge nó Béarla de leathanach eolais na háite go huathoibríoch.
Featured	am-dháta ISO 8601	ceann ar bith nó ceann amháin nó go leor	Seasann sé seo don dáta, nó do na dátaí, nuair a úsáideadh an áit seo mar 'logainm an lae' ar logainm.ie, má úsáideadh í.
Cluster	cluster	ceann ar bith nó ceann amháin	Meiteashonraí a léiríonn grúpa áiteanna, a bhfuil an áit seo mar chuid de, a roinneann logainmneacha agus atá comhshuite nó atá gar dá chéile.
Placenames	placename	ceann amháin nó go leor	Logainm amháin nó níos mó, agus meiteashonraí gaolmhara, a thugtar ar an áit seo.
Glossary	glossary	ceann ar bith nó ceann amháin	Déanann sé cur síos ar fhocail a fhaightear go minic i logainmneacha na hÉireann agus atá i logainmneacha a bhaineann leis an áit seo.
Categories	category	ceann ar bith nó ceann amháin nó go leor	Déanann sé cur síos ar chatagóirí a bhaineann leis an áit seo. Ní bhaineann níos mó ná catagóir amháin le háiteanna ach amháin i gcásanna eisceachtúla.
IncludedIn	placeSummary	ceann ar bith nó ceann amháin nó go leor	Eolas achomair maidir leis na haonaid riaracháin (contaetha, paróistí sibhialta, etc.) a gcuimsítear iontu an áit seo.
Includes	category	ceann ar bith nó ceann amháin nó go leor	Déanann sé cur síos ar chatagóirí áite atá laistigh de theorainneacha na háite seo.
Geography	geography	ceann amháin nó go leor	Suíomh geografach na háite ó thaobh comhordanáidí domhanleithid agus domhanfhaid de.
GridReferences	gridReference	ceann ar bith nó ceann amháin nó go leor	Suíomh geografach na háite i gcomhordanáidí Chóras Tagraíochta Eangaí na hÉireann.
Gaeltacht	placeProperty	ceann ar bith nó ceann amháin	Cuireann sé in iúl go bhfuil an áit sa Ghaeltacht.
PostOffice	placeProperty	ceann ar bith nó ceann amháin	Cuireann sé in iúl go bhfuil, nó go raibh, oifig an phoist san áit seo.
NorthernIreland	placeProperty	ceann ar bith nó ceann amháin	Cuireann sé in iúl go bhfuil an áit i dTuaisceart Éireann.
Images	image	ceann ar bith nó ceann amháin	Déanann sé cur síos ar thaifead amháin, nó níos mó, a scanadh ó chartlann an Bhrainse Logainmneacha a bhaineann leis an áit seo.
Resources	resource	ceann ar bith nó ceann amháin nó go leor	Déanann sé cur síos ar acmhainn logainmníochta amháin, nó níos mó, a bhaineann leis an áit seo agus atá ar fáil ar logainm.ie.
Links	link	ceann ar bith nó ceann amháin nó go leor	Cuireann sé nasc amháin, nó níos mó, ar fáil le sonraí gaolmhara in acmhainní seachtracha. Áirítear le hacmhainní seachtracha Tailte Éireann (OSI), Logainmneacha Thuaisceart Éireann, Wikipedia, Geonames, etc.
BornHere	biographyLink	ceann ar bith nó ceann amháin nó go leor	Cuireann sé nasc ar fáil le sonraí beathaisnéiseacha ó ainm.ie a bhaineann le duine ar bith a rugadh san áit seo, má tá siad ar fáil.
Folklore	folkloreLink	ceann ar bith nó ceann amháin nó go leor	Cuireann sé nasc ar fáil le sonraí béaloidis ó dúchas.ie a bhaineann leis an áit seo, má tá siad ar fáil.
SameAs	sameAs	ceann ar bith nó ceann amháin nó go leor	Sonraíonn sé comhthagairt amháin, nó níos mó, don áit seo i dtacair shonraí eile seachas i mBunachar Logainmneacha na hÉireann. De réir mhíniú SameAs Ointeolaíocht OWL.

cluster

Meiteashonraí a léiríonn grúpa áiteanna a roinneann logainmneacha agus atá comhshuite nó atá gar dá chéile.

Ainm an airí	Cineál	Bunuimhreacht	Cur síos
FocusID	slánuimhir	ceann amháin	Aithníonn sé an áit a gcruthaíonn ‘fócas’ an bhraisle. Seans go léiríonn sé an chatagóir áite is mó a bhaineann le logainm ar leith nó go bhfuil an tacar is saibhre meiteashonraí i measc na mball braisle ar fad ann.
Members	clusterMember	ceann amháin nó go leor	Léiríonn sé na háiteanna aonair atá sa bhraisle.

clusterMember

Léiríonn sé ball de cluster.

Ainm an airí	Cineál	Bunuimhreacht	Cur síos
PlaceID	slánuimhir	ceann amháin	An t-aitheantóir áite.
Category	category	ceann ar bith nó ceann amháin	Catagóir na háite.

placename

Léiríonn sé logainm a bhaineann le háit amháin nó níos mó.

Ainm an airí	Cineál	Bunuimhreacht	Cur síos
ID	slánuimhir	ceann amháin	Aitheantóir an logainm.
Language	cód teanga ISO 639-1	ceann ar bith nó ceann amháin	Léiríonn sé teanga an logainm, má tá sé ar eolas.
Wording	teaghrán	ceann amháin	An logainm féin.
Genetive	teaghrán	ceann ar bith nó ceann amháin	I gcás logainmneacha Gaeilge, sonraíonn sé seo foirm ghramadaí an logainm sa tuiseal ginideach.
Main	Boole	ceann amháin	Má tá sé fíor, is é seo príomhainm/ainm canónta an logainm. Níl sé seo tábhachtach ach amháin má tá níos mó ná ainm amháin ag an áit sa teanga chéanna.
Acceptability	acceptability	ceann ar bith nó ceann amháin	Léiríonn sé stádas taighde agus faofa an logainm.
Audio	audio	ceann ar bith nó ceann amháin	Déanann sé cur síos ar chomhad fuaime ina ndéantar fuaimniú táscach ar an logainm.
SubNames	subName	ceann ar bith nó go leor	Liosta de dhá logainm scoite nó níos mó. Cuirtear ar fáil é nuair atá dhá ainm nó níos mó atá cónasctha sa phríomhlogainm e.g. 'Rathgarvan or Clifden', nó nuair atá ról cáilithe nó imdhealaithe ag an bpríomhlogainm.

acceptability

Léiríonn sé an stádas taighde agus faofa a bhaineann le logainm.

Ainm an airí	Cineál	Bunuimhreacht	Cur síos
ID	slánuimhir	ceann amháin	Aitheantóir an stádais inghlacthachta.
TextEN	teaghrán	ceann ar bith nó ceann amháin	Lipéad Béarla a dhéanann cur síos ar an stádas inghlacthachta.
TextGA	teaghrán	ceann ar bith nó ceann amháin	Lipéad Gaeilge a dhéanann cur síos ar an stádas inghlacthachta.

audio

Déanann sé cur síos ar chomhad fuaime ina ndéantar fuaimniú táscach ar an logainm.

Ainm an airí	Cineál	Bunuimhreacht	Cur síos
FileName	teaghrán	ceann amháin	Ainm an chomhaid fuaime.
Uri	teaghrán	ceann amháin	URI an chomhaid fuaime.

subName

Ainm scoite a d'fhéadfaí a úsáid chun logainmneacha níos faide a chumadh.

Ainm an airí	Cineál	Bunuimhreacht	Cur síos
Text	teaghrán	ceann amháin	Téacs an ainm.
Disambiguates	Boole	ceann amháin	Má tá sé fíor, cuireann an t-ainm seo cineál uath-imdhealaithe éigin ar fáil maidir leis an bpríomhlogainm. D'fhéadfadh subName imdhealaithe, mar shampla, idirdhealú a dhéanamh idir an príomhlogainm agus ainmneacha eile atá cosúil leis.

placeSummary

Eolas achomair maidir le háit ar leith.

Ainm an airí	Cineál	Bunuimhreacht	Cur síos
ID	slánuimhir	ceann amháin	An t-aitheantóir áite.
NameEN	teaghrán	ceann ar bith nó ceann amháin	An logainm Béarla.
NameGA	teaghrán	ceann ar bith nó ceann amháin	An logainm Gaeilge.
Category	category	ceann ar bith nó ceann amháin	Catagóir na háite.

geography

Léiríonn sé suíomh geografach i gcomhordanáidí domhanleithid agus domhanfhaid.

Ainm an airí	Cineál	Bunuimhreacht	Cur síos
Accurate	Boole	ceann amháin	Léiríonn sé cé acu a chreidtear go bhfuil na comhordanáidí beacht nó nach gcreidtear. Is ionann comhordanáidí míchruinne agus comhordanáidí a fuarthas trí eachtarshuí ó áiteanna in aice láimhe nó comhordanáidí a díorthaíodh ó thagairt de chuid Eangach na hÉireann.
Source	teaghrán	ceann ar bith nó ceann amháin	Cuireann sé foinse na sonraí geografacha, nó an modh trínar fuarthas iad, in iúl.
Coordinates	coordinates	ceann amháin nó go leor	Péire amháin comhordanáidí domhanleithid agus domhanfhaid, nó níos mó. Léiríonn péire amháin comhordanáidí an chuid is mó de na háiteanna. D'fhéadfadh dhá phéire nó níos mó a bheith ag gnéithe áirithe geografacha, áfach, go háirithe aibhneacha nó oileáin.

source

Seo a leanas luachanna féideartha an airí source:

Luach	Cur síos
extrapolation	Fuarthas na sonraí geografacha trí eachtarshuí ó áiteanna in aice láimhe. Dá bhrí sin, ní féidir a dheimhniú go mbaineann leibhéal ard cruinnis leis na sonraí seo.
grid	Díorthaíodh na sonraí geografacha ó thagairt de chuid Eangach na hÉireann. Baineann leibhéal réasúnta cruinnis leis na sonraí seo ach níl siad chomh cruinn leis na foinsí eile.
manual	Sonraí ionchurtha de láimh ag duine d'fhoireann taighde an Bhrainse Logainneacha nó Gaois.
osi	Sonraí geografacha a chuir Tailte Éireann (Suirbhéireacht Ordanáis na hÉireann mar a bhí) ar fáil do thionscadal Logainm.
osi (data.gov.ie)	Sonraí geografacha de chuid Tailte Éireann a foilsíodh ar an ardán sonraí oscailte data.gov.ie

coordinates

Léiríonn sé péire comhordanáidí geografacha.

Ainm an airí	Cineál	Bunuimhreacht	Cur síos
Latitude	dúbailte	ceann amháin	An chomhordanáid domhanleithid.
Longitude	dúbailte	ceann amháin	An chomhordanáid domhanfhaid.

gridReference

Suíomh geografach na háite i gcomhordanáidí Chóras Tagraíochta Eangaí na hÉireann.

Ainm an airí	Cineál	Bunuimhreacht	Cur síos
Square	teaghrán	ceann amháin	Sonraíonn sé an chearnóg eangaí.
Easting	fada	ceann ar bith nó ceann amháin	Sonraíonn sé an oirlíne sa chearnóg.
Northing	fada	ceann ar bith nó ceann amháin	Sonraíonn sé an tuaidhlíne sa chearnóg.

placeProperty

Déanann sé cur síos ar airí a bhaineann le háit ar leith.

Ainm an airí	Cineál	Bunuimhreacht	Cur síos
Extent	teaghrán	ceann amháin	Sonraíonn sé baint an airí le háit ar leith. Más all atá ann, baineann an t-airí leis an áit uile. Más part atá ann, ní bhaineann an t-airí ach le cuid den áit.

image

Déanann sé cur síos ar thaifead scanta ó chartlann an Bhrainse Logainmneacha.

Ainm an airí	Cineál	Bunuimhreacht	Cur síos
FileName	teaghrán	ceann amháin	Ainm an chomhaid íomhá.
LabelEN	teaghrán	ceann ar bith nó ceann amháin	Cur síos Béarla ar chatagóir na híomhá, má tá sé ar eolas.
LabelGA	teaghrán	ceann ar bith nó ceann amháin	Cur síos Gaeilge ar chatagóir na híomhá, má tá sé ar eolas.
Uri	teaghrán	ceann amháin	URI na híomhá.

resource

Déanann sé cur síos ar acmhainn logainmníochta atá ar fáil ar logainm.ie.

Ainm an airí	Cineál	Bunuimhreacht	Cur síos
ID	slánuimhir	ceann amháin	Aitheantóir na hacmhainne.
TypeID	teaghrán	ceann amháin	Aithníonn sé an cineál acmhainne atá ann.
TitleEN	teaghrán	ceann ar bith nó ceann amháin	Teideal Béarla na hacmhainne.
TitleGA	teaghrán	ceann ar bith nó ceann amháin	Teideal Gaeilge na hacmhainne.
PageReference	teaghrán	ceann ar bith nó ceann amháin	Sonraíonn sé an leathanach, nó na leathanaigh, laistigh den acmhainn a bhaineann le háit ar leith, más bainteach.
Supplier	supplier	ceann ar bith nó ceann amháin	Meiteashonraí a bhaineann le foilsitheoir/soláthraí na hacmhainne.

typeID

Seo a leanas luachanna féideartha an airí typeID:

Luach	Cur síos
jpg	Íomhá JPEG.
pdf	Doiciméad PDF.
zip	Zipchomhad.

supplier

Meiteashonraí a bhaineann le foilsitheoir/soláthraí na hacmhainne logainmníochta.

Ainm an airí	Cineál	Bunuimhreacht	Cur síos
ID	slánuimhir	ceann amháin	Aitheantóir an tsoláthraí.
NameEN	teaghrán	ceann ar bith nó ceann amháin	Ainm Béarla an tsoláthraí.
NameGA	teaghrán	ceann ar bith nó ceann amháin	Ainm Gaeilge an tsoláthraí.

link

Cuireann sé nasc ar fáil le sonraí gaolmhara in acmhainn sheachtrach.

Ainm an airí	Cineál	Bunuimhreacht	Cur síos
Type	teaghrán	ceann amháin	Cineál na hacmhainne seachtraí. Áirítear le hacmhainní seachtracha Tailte Éireann (OSI), Logainmneacha Thuaisceart Éireann, Wikipedia, Geonames, etc.
Target	teaghrán	ceann amháin	Sprioc an naisc. D'fhéadfadh URI, URL nó aitheantóir eile a bheith i gceist leis seo, ag brath ar an gcineál acmhainne atá ann.

Type

Seo a leanas luachanna féideartha airí an chineáil naisc:

Luach	Cur síos
CavanTownlands	Is URL iontráil Cavan Townlands é an nasc.
Geonames	Is URL iontráil Geonames é an nasc.
Osi	Is aitheantóir acmhainne de chuid Tailte Éireann (Suirbhéireacht Ordanáis Éireann mar a bhí) é an nasc. Nóta: Is é Osi atá mar luach an airí go fóill chun comhoiriúnacht shiarghabhálach a chinntiú. Is dócha go dtiocfaidh athrú air seo sa chéad mhórleagan eile den API.
OsNi	Is aitheantóir acmhainne de chuid Shuirbhéireacht Ordanáis Thuaisceart Éireann é an nasc.
PlacenamesNi	Is aitheantóir acmhainne de chuid Logainmneacha Thuaisceart Éireann é an nasc.
WikipediaEn	Is URL le haghaidh iontráil Bhéarla Wikipedia é an nasc.
WikipediaGa	Is URL le haghaidh iontráil Ghaeilge Wikipedia é an nasc.

biographyLink

Cuireann sé naisc ar fáil le sonraí beathaisnéiseacha ó ainm.ie a bhaineann le haon duine a rugadh in áit ar leith.

Ainm an airí	Cineál	Bunuimhreacht	Cur síos
ID	teaghrán	ceann amháin	Aitheantóir ainm.ie na beathaisnéise.
Title	slánuimhir	ceann amháin	Teideal na beathaisnéise.
Uri	slánuimhir	ceann amháin	URI bheathaisnéis ainm.ie.

folkloreLink

Cuireann sé nasc ar fáil le sonraí béaloidis ó dúchas.ie a bhaineann le háit ar leith.

Ainm an airí	Cineál	Bunuimhreacht	Cur síos
Type	teaghrán	ceann amháin	Cineál na hacmhainne seachtraí. Faoi láthair, déanfaidh sé seo cur síos i gcónaí ar acmhainní ó thionscadal Dúchas.
UriEN	teaghrán	ceann amháin	URI acmhainn na sonraí béaloidis (comhéadan Béarla).
UriGA	teaghrán	ceann amháin	URI acmhainn na sonraí béaloidis (comhéadan Gaeilge).

sameAs

Sonraíonn sé comhthagairt d'áit ar leith i dtacair sonraí seachas Bunachar Logainmneacha na hÉireann. I gcomhréir le míniú SameAs Ointeolaíocht OWL.

Ainm an airí	Cineál	Bunuimhreacht	Cur síos
Uri	teaghrán	ceann amháin	URI na hacmhainne seachtraí.

referenceList

Tá liosta ina bhfuil oibiacht tagartha amháin nó níos mó, má aimsítear iad, agus meiteashonraí breise a bhaineann leis an iarratas san oibiacht seo.

Ainm an airí	Cineál	Bunuimhreacht	Cur síos
TotalCount	slánuimhir	ceann amháin	Líon iomlán na dtaifead a aisghabhadh.
TotalPages	slánuimhir	ceann amháin	Líon iomlán na leathanach sa tacar torthaí.
CurrentPage	slánuimhir	ceann amháin	An uimhir leathanaigh reatha.
CountPerPage	slánuimhir	ceann amháin	An t-uaslíon torthaí a thugtar in aghaidh an leathanaigh.
Results	category nó glossary nó place	ceann ar bith nó ceann amháin nó go leor	Na taifid a aisghabhadh.

category

Déanann sé cur síos ar chatagóir áite. Cuimsíonn catagóirí aonaid riaracháin agus gnéithe geografacha. D'fhéadfadh catagóir amháin, nó níos mó, teacht ar ais mar chuid d'oibiacht place nó d'fhéadfaí teacht ar liosta tagartha d'oibiachtaí category ón gcríochphointe API cuí.

Ainm an airí	Cineál	Bunuimhreacht	Cur síos
ID	teaghrán	ceann amháin	Aitheantóir na catagóire.
NameEN	teaghrán	ceann ar bith nó ceann amháin	Ainm Béarla na catagóire.
NameGA	teaghrán	ceann ar bith nó ceann amháin	Ainm Gaeilge na catagóire.
NamePluralEN	teaghrán	ceann ar bith nó ceann amháin	Uimhir iolra ainm Béarla na catagóire.
NamePluralGA	teaghrán	ceann ar bith nó ceann amháin	Uimhir iolra ainm Gaeilge na catagóire.
Count	slánuimhir	ceann ar bith nó ceann amháin	Líon na logainmneacha a bhaineann leis an gcatagóir seo, má tá sé ar eolas.

glossary

Déanann sé cur síos ar thacar d'fhocail ghaolmhara a fhaightear go minic i logainmneacha na hÉireann. D'fhéadfadh iontráil gluaise amháin, nó níos mó, teacht ar ais mar chuid d'oibiacht place nó d'fhéadfaí liosta tagartha d'oibiachtaí glossary ón gcríochphointe API cuí a fháil.

Ainm an airí	Cineál	Bunuimhreacht	Cur síos
ID	slánuimhir	ceann amháin	Aitheantóir na hiontrála gluaise.
Headword	teaghrán	ceann amháin	Ceannfhocal na hiontrála gluaise.
Translation	teaghrán	ceann ar bith nó ceann amháin	Aistriúchán Béarla ar cheannfhocal na gluaise.
Forms	teaghrán	ceann ar bith nó ceann amháin nó go leor	Litrithe eile ar cheannfhocal na gluaise.
Count	slánuimhir	ceann ar bith nó ceann amháin	Líon na logainmneacha a bhaineann leis an iontráil ghluaise seo, má tá sé ar eolas.